- أبو شادوف؟ مش قلت لك ما تجيش هنا تاني؟
-
لا دا بعدك دا انا اجي واجي , بص كدا
من الشباك
-
يخرب بيتك مين دول كلهم ؟
-
مش عارف مين دول .دول العمال والفلاحين
بتوع بلدنا ميت ابو شادوف الشرقية
-
ايه اللي معاهم دا؟
-
دي مقاطف وكواريك وفئوس
-
ليه دا كله؟
-
مش بتوقل ان ثورة يوليو المجيدة سايبة
انقاض؟ احنا جينا نشيل الانقاض يلا اتفضل وريها لنا عشان نشيلها
-
دي انقاض ثقافية يا حمار
-
يعني كدا وكدا؟ يعني الكلام مظبوط ؟وانت
بتعمل دعاية ضد ثورة يوليو المجيدة اهجموا يا رجالة
ـــــــــــــــــــــــــــــــ
وكيل النيابة – ما عندهم حق يا استاذ فين الانقاض دي
-
يا بيه دي انقاض ثقافية ..دول ما
بيفهموش بهايم
-
من فضلك ما تفلطش في الشعب اتفضل وضح
لي ايه الانقاض الثقافية اللي بتقصدها
-
خد عندك يا بيه اولا الجمهورية الاولى
التي انشئها جمال عبد الناصر وتقوم على سبعة اعمدة الحكم الفردي القمع الامني,
الاعلام الموجه, الدستور المنتهك. الحزب الواحد, مجلس النيابي فاقد الندية, وزراء
التكنوقراط
-
ودول يتعمل فيهم ايه يا استاذ؟
-
تتشال الاعمدة دي وتترمي بعيد
-
وايه تاني ان شاء الله؟
-
الهتاف عمال على بطال ومعها مقولة تمام
يافندم وحسب توجيهات الرئيس
-
وايه تاني ؟
-
تفشي الكذب القومي وانهاء تقدم السياسة
على الثقافة
-
خلصت ؟
-
لا يا فندم لسه لازم نقيم الجمهورية
الثانية
-
وايه هي الجمهورية الثانية ؟
-
جمهورية غير رئاسية بحكومات دستورية
-
دي كل اقوالك يا استاذ؟
-
ايوا
-
يحفظ لعدم الاختصاص
تعليقات
إرسال تعليق