همه ملهمش دعوة يتجوز يطلق يعيش معاها فى الحلال يعيش معاها فى الحرام يجيبها 10 داوننج استريت بصفة عشيقة بصفة زوجه يعقد عليها فى الكنيسة ومعاها ابن منه من غيره ملهمش دعوه هى مين زبيده عيشه مريام أم شقردح أم قويق أم الخلول ملهمش دعوة / شعب عجيب / هو عينه على حاجه واحده فقط لا غير بوريس جونسون هذا هو الذى يعرف المسالك الوعرة التي يمكن بها أن يوصله لبريطانيا عظمى أخرى بعيدا عن قيود الاتحاد الأوربي ليس في مجال الاستعمار واحتلال البلاد واستعباد خلق الله لأ دي كانت موضة وبطلت في مجال واحد الاقتصاد الفلوس الرفاهية دا مرشد كما مرشدي قنال السويس هيمشي قدام الباخرة وانت تتبعه متخلفوش عشان السفينة متجنحش والدنيا تخرب ويا ويله وسواد ليله لو فشل هيقطعوه هيفشفشوا عظامه هيخلوا اللى ما يشترى يتفرج هذا هو الشعب الإنجليزى واقعى حتي النخاع صلابته وتقليديته ,وتخشبه وتاريخه العريق لم يمنعه من أن يكون عمدة لندن باكستاني ومسلم / ولا همه إن كان إسلاموفوبيا أو إسلامو كوبيا / شاطر والا لأ ؟ شاطر / يعدى
تعليقات
إرسال تعليق