سد على وفى الحروب...

 

لو أفهم أبو مازن وحسن هنية دول بيعملوا إيه أنا كنت استريح معقول يكون كل هدفهم فى الحياة هو اعتقال القضية الفلسطينية؟ يا اخوانا العالم كله شايط من أجل العنصرية التى مارستها الشرطة الأمريكية ضد الأمريكيين السود طيب فين العنصرية التى يمارسها نيتانياهو وزمرته ضد الفلسطينيين يا احوانا زقوا قضيتكم فى الوسط يا اخونا طلعوا الصور الفاضحة لما مارسته الصهيونية العالمية ضدكم مذابح دير ياسين هدم بيوتكم ضم بلادكمم وطردكم اعملوا حاجة تحشر قضيتكم فى هذا الزخم العالمى فى هذه الانتفاضة العالمية ضد العنصريىة ضد القوة الغاشمة المسألة بتتطور وقابلة لأن تتسع لرجم بلفور والتنديد بوعده والتنديد بصفقة القرن والتنديد بالفيتو الأمريكى إللى ملوش شغلة غير شعب صغير مغلوب على أمره قولوا لقناة الجزيرة والشرق كفاية هجوم على مصر شوية اطلبوا المساعدة الدعائية من تركيا وقطر مظاهرة محندقة كدا فى اطنبول أو أنقرة هتلفت نظر الأوربيين لقضيتكم وطلعوا وثائقيات تسجل وتعرض المرات العديدة اللى تدخل الفيتو الأمريكى ضد شعب أغلب من الغلب وكل ما يطالب به هو حقه فى الحياة فوقوا الله يخرب بيوتك هاتو حد زى مروان كنفانى أو غيره دا انتم عندكم كفاءات لا تعد ولا تحصى ومنتشرين فى كل بلاد العالم وعندكم أموال لا يأكلها حطب ولا نار دا واحد منكم كان المالك الوحيد لميناء العين السخنة فى مصر وباعه للامارات من كم سنة يعنى منتش فقرا ومنتش ضعاف اعملوا حاجة ترجع حق الغلابة والا مفيش قدامكم غير مصر ضعفت مرة هجمتم على شرطتها وزمان بتوع حماس منتظرين حتة من سيناء صحيح صدق من قال أسد على وفى الحروب نعامة