الشعب المصرى طلع جدع ( واجدع منه فى الحقيقة ) وقف الزعيم وقال أنا المسئول عن هزيمة 5 يونيو (ماتش كورة إياك ) ماشى يا ريس / هاجمٍَع الجيش تانى واسلحه من فلوسكم ماشى يا ريس/ تهدوا كدا ولا صوت يعلو على صوت المعركة حاضر يا ريس/
الشباب يستعد لتقديم
دمه وحياته فدا الوطن ماشى يا ريس/ وخرج محمد حسنين هيكل بمقالاته اللى كلها بتدور
حوالين معنى واحد إنهم استدرجونا لحرب احنا غير مستعدين ليها ماشى يا محمد / دا
الكاتبة فلانة الانجليزية كنت بدردش معاها وقالت لى كويس اللى انهزمتم لأن لو كنتم
منهزمتوش كانت اسرائيل هتضربكم بالقنابل الذرية الموجودة فى ترسانتها ماشي يا سي
محمد / ( أقسم بالله العظيم إنى قرأت هذا النص فى مقال من مقالاته اللى كان مسميه
( بصراحة ) فيه كاتبة قالت له كده صحيح؟ والا بيكذب؟ الله أعلم هو مين فاضى يحقق
والا هيحقق مع مين دا هو والرئيس ( .....) واحد يعنى / إوعى حد يفكر لحظة إن شعبنا
دا أهبل والا برياله لأ دا ذكى جدا وفاهم جدا دا محمد على بالشعب دا وبالبلد دى
لبس الأترك الطرح دا لولا راجل اسمه بالمرستون كان يشغل منصب وزير خارجية بريطانيا
ثم رئيس وزرائها فى 1840 كان محمد على حل محل السلطان عبد الحميد والقاهرة حلت محل
الأستانة الكلب دا جمع النمسا وروسيا وغيرهم من البلاد الأوربية وكسروا اسطول
ابراهيم باشا لأ دا الشعب المصرى دا شعب استثنائي ومصر نفسها بلد استثنائي / على
كل الشعب المصرى بعد الهزيمة حسبها بطريقته عشان يخرج من المصيبة وبدل ما يلفظ
أنفاسه الأخيرة قاوم واسترد الحياة / لكن معلهش سورى إذا كانت دى حسابات الشعب
وقتها ولها مبرراتها التاريخ له حساباته الخاصة وعقوباته ولازم يعاد فتح المافات
وكل واحد يأخذ حقه بما يرضى الله حتى لا يعيد التاريخ نفسه على أرضنا بمثل هذه
السفالة
تعليقات
إرسال تعليق