جامعة
السربون أرسلت عالم من علماء المصريات يجيب على هذا السؤال " كيف يصنع
المصريون التاريخ " الراجل راح لفاروق حسنى عشان يجاوب له على السؤال طبعا يا
رب كما خقتنى ( رسام ) مش شغلته خاف من الفضيحة أرسلهم لاتحاد كتاب مصر محمد
سلماوى عمل اجتماع للجمعية العمومية وانتم عارفين بقى إيه اللى بيحصل فى جمعياتنا
العمومية كلام وخناقات ومنسمعش بعض وآخرتها أحدهم وقف وقال سمع هس هو مش السربون
دى جامعه عالمية ردوا مظبوط والعالم دا مش عالمى ؟ مظبوط والسؤال دا مش عالمى ؟
مظبوط ونجيب محفوظ دا مش كاتب عالمى أيوه امال خلاص سلماوى يروح له بالسؤال وهو
ملزم يرد عليه / أيوه أكبر صح كلهم عالميين ويصتفلوا مع بعض اجتمع سلماوى بنجيب
محفوظ بينما الصحفيون العالميون وإجهزة التصوير والدنيا كلها واقفة قدام مقر
الاجتماع فى انتظار الاجابة " كيف يصنع المصريون التاريخ؟ " ماهو تاريخ
جبار يحير العقول / فاتت ساعة ساعتين تلاته والآخر خرج سلماوى مدلى ودانه وفى حالة
يرثى لها بينما العالم الفرنسي ملهوف على الإجابة يا عم سلماوى نجيب محفوظ قال إيه
؟ مش قادر يقول والآخر نطق وهو فى قمة الأسي " يروح العتبة الخضرا "
اسقط فى يد الجميع إلا العالم الفرنسي رد بدم قال كده تبقى الاجابة فى العتبه
الخضراء دللونى عليها ....راح العتبة الخضراء / اختفى/ السربون بعد15 سنة قلقت
كلمت الحكومة المصرية يدوروا على الراحل فى سلقط فى ملقط مش لاقيينه مندوب السربون
بيلف كعب داير مع الضابط المصرى اللى كلفه وزير الداخلية بالعثور عليه حيا أو ميتا
بتوع اتحاد الكتاب قالوا احنا ملناش دعوة قال أروح العتبة وديناه العتبة وانتهت صلتنا
به وهمه بيلفوا فى العتبة الخضرا ويفتشوها بيت بيت جاعوا لقوا قدامهم محل كشرى
كبير باسم "كشرى أبو هنيه وأشياء أخرى" دخلوا يكلوا بيسألو الجرسون
مسمعتش عن راجل فرنساوى قالوا انه جه العتبة الخضراء رد ما هو دا وشاور على رجل
تخين وبكرش وملتحى وفيه سبحة بخرز كبير حولين رقبته وبيدخن الشيشة وبجواره زوجته
وفى بقها شيشة هى كمان بينما هو قاعد على الكيس / هو دا مسيو بورتريه؟ أيوه / دا
كان رفيع / تخن كان من غير لحية / بقى بلحية / وبيكلم عربى ؟ لبلب / كان اسمه
بورتريه بقى الحاج ابو هنية ومين اللى جانبه دى ؟ مراته الأولنية هو مجوز غيرها
تلاته / مندوب السربون انقض على أبو هنية عشان يفهم ايه اللى حصل رد الحاج أبو
هنية بالوقار الاسلامى المصرى والسبحة فى يده اسحب لك كرسي واقعد وانت تفهم تدخن
شيشة ؟ ........كوميديا ثلاث فصول تهوس والأفندية بتوع المسرح مش لاقيين نصوص
جديدة وبيمثلوا مسرحية لبيرم عمرها مائةسنة وموضوعها عمره ألف .ومسرحية قديمة
ومهلهلة لموليير ......هذا نص مسرحيتى اقعد وانت تفهم ...على جوجل اكتب فتحى عبد
الغنى الصفحة الرئيسية ستجدها pdf مش هتلحق تغمض عنيك من
الضحك طبعا أما البكاء ...اتركوه لى أنا والحبيبة ..../ مصر ...نحن معتادون عليه
تعليقات
إرسال تعليق