عن مذكرات الجمسي

 

 

لما قلت اقرأ مذكرات الجمسي ظن البعض أنه سيفتح الكتاب فيجد المشير الجمسي بيقول ان عبد الناصر فكك الجيش المصرى وأعاد تجميعه/ سيقول أن الجيش المصرى لم يهزم لأن المقاتل المصر لم يسمح له بالقتال سمح له بالتجمع بعشوائية والانسحاب بعشوائية ولم يحدث تحقيق فى الواقعة حتى تاريخه وهذا ما أدينه / إزاى الجمسي يقول ده بشكل مباشر/ هو يقول ما يوصلك لهذا وأكثر منه هو لما يقول إنهم جمعوا القيادات المصرية المحترفة فى مكان ما من سيناء ولم يكلفوا بأى مهمة فى الحرب الدايره مش معناه إنهم منعوا المقاتل المصرى من القتال همه القواد دول إيه مش مقاتلين مش خلاصة الخلاصة من مقاتلى مصر/ همه مش عبد المعم رياض والجمسي وابو ذكرى وغيرهم من الأبطال اللى سوا الهوايل فى حرب 73 وشيبوا اسرائيل وأذهلوا العالم ؟ هو انتم مش عارفين من هو عبد الناصر زعيم مصر وزعيم الأمة العربية دا بتاع ( ريسنا ملاح ومعدينا عامل وفلاح من أهلينا / واجمل أعيادنا الوطنية بنجاتك يوم المنشية / وناصر كلنا بنحبك ناصر يا حبيب الشعب يا ناصر ) ومعشش فى قلوب الناس لغاية النهارده بما فيهم معارفى وأولادى / كيف يجرؤ على قول هذا ده عندما يقصده لا يذكر اسمه يقول القيادة السياسية وأنت عليك أن تقرأ وتستخلص لنفسك الحقائق وتضع كلمة بجوار أخرى حتى تحصل على جملة مفيدة هذه سمة العصر سلو بلدنا طريقتها فى التعامل مع الشأن العام ليس من حقك طرح الأسئلة وأنا بنبه لخطورة ده بس/ أنا لا أحاكم الماضى لسبب بسيط هو أنا إيه دا انا ولا حاجه مجرد مواطن مصرى لا فى العير ولا فى النفير وأى حد يقرأ ما أكتب سيقول هو تاعب نفسه على إيه خلينا فى الحاضر وجماله / دا انت لو باحث وعاوز تعرف معلومات عن ما دار ستجده فى الأرشيف الروسي والاسرائيلى والأمريكى وغيرهم أما فى مصر انس/ وعشان كده التاريخ بيعيد نفسه على أرضنا بمنتهى الوقاحة / عرفتم إيه هى القضية